मोरङ,असोज १३
मोरङको लेटाङ नगरपालिकाले क्यान्सर , मृगौला , मुटुरोग लगायतका दिर्घरोगीहरुको स्वास्थ्य उपरार्थ आर्थिक सहयोग हस्तान्तरण तथा ह्वील चियर वितरण गरेको छ ।
शनिबार एक कार्यक्रमका बीच लेटाङ नगरपालिकाको सभाहलमा ४३ जना विरामीलाई १० हजार रुपैयाँका दरले ४ लाख ३० हजार रुपैयाँ लेटाङ नगरपालिकाका प्रमुख शंकर राईले वितरण गरे ।सोही कार्यक्रममा नगरप्रमुख राईले १० जना अपाङता भएको व्यक्तिहरुलाई ह्वीलचियर समेत वितरण गरेका छन ।
उक्त कार्यक्रमलाई सम्वोधन गर्दै नगरप्रमुख राईले सिंहदरवारको अधिकार जनताको घरमा ल्याउन प्रतिवद्धता गरेर निर्वाचन जितेर आएको र सोही अधिकारलाई जनताले अनुभुति गर्न पाउन भन्ने उद्वेश्यले दीर्घरोगसंग जुधिरहेकाहरुलाई उपचारमा आर्थिक सहयोग गरेको बताए ।
रोग लागेर उपचार गर्नुभन्दा रोग लाग्न नदिनु नै उत्तम भएकाले राम्रो खानपान तथा दैनिक कार्यमा ध्यान दिन आवश्यक रहेको वताए ।
