विराटनगर, असोज १४
मोरङको केराबारी गाउँपालिका–८ स्थित खदम खोलाबाट प्रहरीले शनिवार राति ३ वटा ट्याक्टर नियन्त्रणमा लिएको छ । प्रहरीले स्थानिय खदम खोलाबाट अवैध रुपमा ढुंगा, गिट्टी उत्खनन् गरेर लोड गरिरहेको अवस्थामा को २ त ७४३९, को २ त ७८४७ र को२त ६४९१ नम्बरको ट्याक्टर नियन्त्रणमा लिएको हो । प्रहरीको टोलीलाई देख्नासाथ ट्याक्टरका चालक फरार भएकोले खोजी कार्य भईरहेको प्रदेश प्रहरी कार्यालय विराटनगरले जनाएको छ ।
