१५ चैत , काठमाण्डौ ।
काठमाडौंमा अहिले विभिन्न छुट्टाछुट्टै स्थानबाट समाजवादी मोर्चाको गणतन्त्रवादी र दुर्गाप्रसाई नेतृत्वको जनआन्दोलन समितिको राजवादीहरुको प्रर्दशनका लागि र्याली सभास्थलमा पुगिरहेको छ ।
गणतन्त्रवादीहरुको सभास्थल भृकुटीमण्डपमा तोकिएको छ । उनीहरुले प्रर्दशनीमार्गको सडकमा नै मन्च बनाएका छन् । यता राजावादीहरुले तीनकुनेमा सभा गर्दैछन् । अहिले विभिन्न स्थानबाट तीनकुनेमा आएका राजावादीहरुले भृकुटीमण्डप तर्फ जाने भन्दै प्रहरीले सडकमा राखेको डिभाइडर हटाएर फ्याकिदिएका गरेका छन् ।
उनीहरुले प्रहरीले रोकेको भन्दै प्रधानमन्त्री केपी शर्मा ओलीविरुद्ध नाराबाजी गरेका छन् । उनले देश छाड्को नारा लगाएका छन् । मुठभेट हुन् सक्ने आशंकामा तीनकुनेदेखि नयाँ बानेश्वर क्षेत्रको सडकको मुख्य लेन बन्द गरिएको छ ।
दुई पक्षको प्रदर्शनका क्रममा हुनसक्ने अप्रिय घटना रोक्नका लागि प्रहरीले सुरक्षा व्यवस्था चुस्त बनाएको छ । सर्वसाधारणलाई साइड लेनबाट हिँड्न दिइएको छ । भने संकास्पद गाडीहरुलाई चेकिङ गरेर मात्रै पठाईको छ ।
गणतन्त्रवादी र राजावादीले गर्ने छुट्टाछुट्टै ¥याली, प्रदर्शन र सभाका कारण काठमाडौं उपत्यकाको यातायात प्रभावित भएको छ । आज गणतन्त्र पक्षधर चार दलीय समाजवादी मोर्चा नेपालले काठमाडौंको भृकुटीमण्डपमा र व्यवस्था विरोधी राजावादीहरूले तीनकुनेमा सभासहितको शक्ति प्रदर्शन गर्दै छन् ।
समाजवादी मोर्चाको कोणसभामा मोर्चामा आबद्ध चार दलका अध्यक्षहरूले मात्रै सम्बोधन गर्ने भएको छ। आजको सभालाई नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधव नेपाल, नेकपाका महासचिव नेत्रविक्रम चन्द र नेसपाका अध्यक्ष महिन्द्रराय यादले सम्बोधन गर्नेछन्।
मोर्चामा चार पार्टीका अध्यक्षहरूले मात्रै सम्बोधन गर्ने तय भएपछि नेकपा एसका सम्मानित नेता झलनाथ खनाल भने सभामा नजाने भएका छन्। समाजवादीको प्रर्दशनलाई एमाले महासचिव शंकर पोखरेलले समर्थन जनाएका छन् ।
