एजेन्सी,असोज १६
बंगलादेशमा जारी एसीसी यू–१९ एसिया कपको समुह चरणको अन्तिम खेलमा युएईले नेपाललाई २ सय ६९ रनको लक्ष्य दिएको छ ।बंगलादेशको किबेएसपी फोर मैदानमा टस जितेर पहिला ब्याटिङ गरेको युएईले निर्धारित ५० ओभरमा ८ विकेटको क्षतिमा २ सय ६८ रन बनाउन सकेको हो ।
ओपनर फहद नवाज र अनिसले उत्कृष्ट शतकीय साझेदारी गरेपछि युएई बलियो स्थितीमा पुगेको हो । अनिस र नवाजले पहिलो विकेटका लागि १ सय ६७ बलमा १ सय ५९ रनको उत्कृष्ट शतकीए साझेदारी गर्दै युएईलाई विसाल योगफल तर्फ डोर्याएका थिए ।
यी दुईको साझेदारी २७ ओभर ३ बलमा नन्दन यादवले ब्रेक गर्दिए । यादवले २७ ओभर ३ बलमा रोहित कुमार पौडेलको हातबाट क्याच गराउँदैँ अनिसलाई ६७ रनमा पेभिलिएनको बाटो देखाए ।
अनिसले ८१ बलमा ८ चौका र १ छक्का प्रहार गरेका थिए । यादवलेनै दोस्रो विकेटका रुपमा ९५ बलमा ५ चौका र ३ छक्का प्रहार गर्दै ८३ रन बनाई खेली रहेका नवाजलाई आउट गर्दिए ।
त्यस लगत्तै अर्को ओभरमा पवन सर्राफको बलमा सन्दीप जोराले क्याच लिदैँ मुहमम्द अलीलाई १६ रनमा आउट गरेपछि नेपाल खेलमा फर्किएको थियो ।
त्यसपछि युएईको नियमित विकेट पतन भयो, कुनै समय ३२ ओभरमा १८०–३ को अवस्थामा रहेको युएई आक्रमक ब्याटिङ गर्न खोज्दा ४७ ओभरमा २४७– ८ को स्थितिमा पुग्यो ।
नवौँ विकेटका लागि मुहमम्द र कात्तिक पलानीएप्पन एम ले २० बलमा २१ रनको साझेदारी गर्दै युएईलाई २ सय ६८ रन सम्म पुर्याएका थिए ।युएईका अन्य ब्याटम्यान ब्रान्डन एडम १८, सिड हैदर १२, मुहमम्द ए १८ र कात्तिक ११ रनमा नट आउट रहे ।
नेपालका लागि नन्दन यादव,पवन सर्राफ र रसिद खानले समान दुई विकेट लिदाँ सुर्य तामाङ र सागर ढकालले पनि एक एक विकेट लिए । नेपाल र युएईका लागि आजको खेल प्रतिष्ठाको लडाई मात्र हुने छ । यी दुबै टोली यस अघिनै समुह चरणबाटै बाहिरि सकेका छन् ।
