२५ असोज , काठमाण्डौ ।
नेपाल भौगोलिक हिसाबले जति सानो छ, प्राकृतिक हिसाबले उति नै विशाल र सुन्दर छ ।
सर्वोच्च शिखर सगरमाथाको चुचुरोबाट विश्वलाई नेपालले नियाली रहँदा विश्वले पनि नेपाललाई यहाँको प्राकृतिक सम्पदा तथा जैविक विविधताका कारण सधैं मनमस्तिष्कमा राखेकै हुन्छ ।
यहाँ पाइने वन्यजन्तु, वनस्पति र जैविक विविधता तथा तिनको समग्र पर्यावरणीय प्रणालीले विश्वभरका पर्यटक आकर्षित गर्ने गरेको छ ।
हिमनदी, अग्ला हिमाल, पहाड तथा ठुल्ठुला नदीहरू र तराई क्षेत्रले वन्यजन्तु संरक्षणमा संसारलाई उछिनेको छ ।
नौ सयभन्दा बढी प्रजातिका चरा, दुई सयभन्दा बढी जनावर, धेरै प्रजातिका माछा र ५० भन्दा बढी घस्स्रने सँगसँगै अनगिन्ती किराफट्यांग्रा र वनस्पति नेपालमा पाइन्छ ।
देशको कुल भूभागको २३.३९ प्रतिशत जमिनलाई संरक्षित क्षेत्र घोषणा गरिएको छ ।
जसले वन्यजन्तुको बासस्थान र संरक्षणमा ठूलो सहयोग पु¥याएको छ ।
यी संरक्षित क्षेत्रहरूले जैविक विविधताको संरक्षण मात्र होइन, पर्यटकीय अर्थतन्त्रमा पनि महत्वपूर्ण योगदान पु¥याउँछन्, जहाँ पर्यटकहरूको ठूलो संख्या संरक्षित वन्यजन्तु क्षेत्रहरूको भ्रमणमा जान्छन् ।
नेपालमा संसारकै लोपोन्मुख पाटे बाघ, एक सिंगे गैंडा, जंगली हात्तीजस्ता जनावर सजिलै देख्न सकिन्छ ।
बर्सेनि लाखौँको संख्यामा विभिन्न प्रजातिका चराहरू अन्य देशबाट नेपाल बसाईं सरेर आउँछन् ।
त्यसबाहेक संसारमा कतै नपाइने चरा काँडे भ्याकुर नेपालको पहाडी भूभागमा सजिलै पाइन्छ ।
नेपालले बेलाबेला गैंडासहितका जंगली जनावर मित्र राष्ट्रहरुलाई उपहार समेत दिदै आएको छ ।
नेपालमा पाइने वन्यजन्तुहरूको संरक्षणले केवल प्रकृतिलाई मात्र होइन, स्थानीय समुदायको आर्थिक विकासमा समेत सहयोग पु¥याउँछ ।
विश्वव्यापी रूपमा पनि नेपाल वन्यजन्तु संरक्षणका मामिलामा उदाहरणीय देश मानिन्छ ।
