विराटनगर,असोज १९
अब ग्यासबाट खाना पकाउदा थप सावधानी र होसियारी अपनाउनु पर्ने भएको छ । विराटनगर–५ कारखाना टोलमा बिहीबार सांझ कोशी ग्यास सिलीण्डरबाट ग्यास लिक भई आगलागी हुँदा एक महिला जलेर घाईते भएकी छिन् ।
आगलागीमा परी ३० बर्षीया मुन्नी खातुन गम्भीर घाइते भएकी हुन् । घटनामा उनको अनुहार र दुवै हातसहित शरीरका विभिन्न भाग जलेका छन । आगलागीका कारण उनका घरभित्र भएका सम्पुर्ण सरसामान र नगद समेत जलेर नष्ट भएको छ ।
घरमा रहेको २५ हजार नगदसहित दुई थान सिलाई मेशिन, लुगाफाटा र अन्य सम्पूर्ण सामान जलेर नष्ट भएको खातुनले बताइन् ।
यता कोशी ग्यास उद्योगले भने घटनाको बिषयमा छानविन भइरहेको बताएको छ । सिलिण्डर मात्र नभई अन्य ठाँउमा लिक भएर पनि आगलागी भएको हुनसक्ने उनको दाबी छ ।
तत्कालका लागि कोशी ग्यासले पीडित परिवारलाई उपचारका लागि २५ हजार नगद उपलब्ध गराएको छ । केही महिना अघि मात्र विराटनगर ५ चाँदनीचोक नजिकै रिजालको ग्यासबाट आगलागी हुदा एक घरमा आगलागी भएको थियो भने सिलिन्डर टिनको छानो छेडेर बाहिर उछिट्एिको थियो ।
