विराटनगर , असोज २०
“सबृृद्ध नेपालको आर्थिक आधार–गतिशिल, विश्वसनीय तथा पूँजी वजार” नाराका साथ “विश्व लगानीकर्ता सप्ताह २०१८ को उपलक्ष्यमा प्रदेश नं १ को अस्थायी राजधानी विराटनगरमा आयोजित पहिलो प्रादेशिक पूँजी वजार प्रदर्शनी–२०७५ सकिएको छ ।
नेपाल धितोपत्र बोर्डद्धारा धितोपत्र सम्बन्धी ज्ञान र आवश्यक सेवाहरु एकै स्थानबाट उपलब्ध गराउने उद्देश्यका साथ विराटनगरका पहिलो पटक दुई दिने ‘प्रादेशिक पूँजी बजार प्रर्दशनी २०७५’ आयोजना गरिएको थियो ।
प्रदर्शनीमा १०७ वटा धितोपत्र कारोवार गर्ने संस्था एवम् वैंकका स्टलहरु रहेका थिए । प्रर्दशनीमा लगानीकर्ताहरुसहित लगानकर्ताहरुका लागी जानकारी दिइएको ,साथै धितोपत्र बजार नियमन निकाय नेपाल धितोपत्र बोर्ड, नेपाल स्टक एक्सचेञ्ज, सिडिएससी, क्रेडिट रेटिङ्ग संस्था,सामुहिक लगानी कोष, मर्चेन्ट बैंक, धितोपत्र दलाल व्यवसायी, डिम्याट खाता खोल्ने निक्षेप सदस्य सम्बन्धी सेवा प्रदान गरिएको नेपाल धितो वोर्डका अध्यक्ष डा. रेवतवहादुर कार्कीले जानकारी दिए ।
