विराटनगर असोज २४
नेपाली कांग्रेसका नेता कृष्णप्रसाद सिटौलाले, दुई तिहाईको समर्थनमा वनेको वर्तमान सरकारले जनताको पक्षमा काम गर्न नसकेको वताएका छन् ।
विराटनगरमा आज संचारकर्मीसंग कुरागर्दै उनले कम्युुनिष्टको सरकारले थोरै समयमा धेरै अलोकतान्त्रीक काम गरेको बताए । उनले सरकारले शान्ती सुरक्षा दिन नसक्दा हत्या हिंसा तथा वलत्कारका घटना बढ्नुका साथै सरकारका नितीका कारण कर वृद्धि तथा महंगी वढेका कारण जनता मारमा परेको वताए ।
नेता सिटौलाले सरकारको मुल्याकंन गर्ने हो भने जनताका लागी नभएर पार्टीका केहि नेता र कार्यकर्ताका लागी मात्र सरकारले काम गरिरहेको वताए। नेता सिटौलाले यहि अवस्थामा सरकार अघि बढे कांग्रेस चुप लागेर नवस्ने बताए ।
सरकारको राम्रो कामलाई समर्थन गर्ने तथा स्वच्छेचारी ढंगले सरकार अघि वढे त्यसलाई रोक्ने कामपनी प्रतिपक्षको भएको उनको भनाई थियो ।
नेता सिटौलाले निमला हत्याकाण्ड घटनालाई सरकारले ढाक छोप गर्न खोजेको आरोप लगाए । “घटना भएको लामो समय वितिसक्दापनि दोषि पत्ता लगाउन नसक्नुले सरकार कमजोर भएको प्रष्ट हुन्छ” उनले भने । उनले कांग्रसको आगामी महाधिवेशनले पार्टीलाई सहि मार्ग दिने र परीवर्तनको पक्षमा पार्टीलाई अगाडी बढाउने ब्यक्तिनै पार्टी सभापतिका लागी उपयुक्त हुने बताए ।
नेता सिटौलाले नेविसंघको उमेर हदका विषयमा पार्टी सभापतिले एकलौटि रुपमा गरेको निर्णय गलत भएको बताए । उनले पार्टी सभापति भईसकेपछि सबैलाई मिलाएर लैजानुपदर्छ भन्दै बहमुत छ भन्दैमा पार्टी सभापतिले जेपनि निर्णय गर्न नमिल्ने बताए ।
पार्टीलाई संगठित वनाउन एकता आवश्यक रहेको भन्दै त्यसतर्फ पार्टी सभापति लाग्नुपर्ने उनले बताए । “मैले पार्टी सभापतिको विरोध गरेको होइन , कार्यकाल रहुन्जेल सम्म उहालाई साथ र सहयोग रहि रहनेभन्दै सभापतिलेपनी सवैको सल्लाह र सुझाव अनुसार पार्टीमा निर्णय गर्नुपर्दछ” उनले भने ।
