मोरङ : मोरङको रंगेलीस्थित संसारीमाईस्थान मन्दिरमा एक महिलाले छातीमा जमरा उमार्न निर्जल उपवास बसेकी छन् ।
बुधबार घटस्थापनादेखि विधिवत्रुपमा पुजापाठ गरेर मोरङ जहदा गाउँपालिका–४ बस्ने ४० बर्षीया नीरादेवी मण्डलले छातीमा जमरा उमार्न कलशसहित निर्जल उपबास बसेकी हुन् ।
मण्डलले मन्दिरको पक्की भुँईमा माटो थुपारेर त्यसमाथि आफु सुतेर छाती माथि कलशसहित जमरा उमार्न मकै, धान, जौ, गहुँ लगायत छरेकी छिन् ।
छातीमा जमरा उमार्न मन्दिर परिसरमा सुतेकी मण्डललाई अहिले हेर्नेहरुको घुँईचो लाग्न थालेको छ ।निसन्तान रहेकी उनले जितिया पर्वको राती छातीमा जमरा उमार्न सन्सारी माईस्थानमा बसेको सपना आएपछि आफुले निर्जल कठोर भाकल पुरा गर्न बसेको बताईन् ।
मन्दिरमा निसन्तानले चिताएको पुग्ने जनविश्वास रहेको छ । गतवर्ष भारत अररिया जिल्ला पलासी– १ बस्ने ४५ वर्षीया अनितादेवी चौधरी आफ्नो भाईका ६ वटा छोरी जन्म हुँदासमेत छोराको जन्म नभएको भनी भाकल गरेलगत्तै छोराको जन्म भएपछि उनले समेत कठोर भाकल पुरा गर्न छातीमा जमरा उमार्न बसेकी थिईन् ।यो समाचार आजको उद्घोष दैनिकमा समाचार छापिएको छ ।
