८ साउन , काठमाण्डौ ।
भारतका १५ वर्षीय युवा ओपनर वैभव सूर्यवंशीले नेपालका कुशल मल्लको नाममा रहेको सबैभन्दा कम उमेरमा टी–२० अन्तर्राष्ट्रिय क्रिकेटमा अर्धशतक बनाउने विश्व कीर्तिमान तोडेका छन्। जिम्बावेविरुद्ध जारी टी–२० अन्तर्राष्ट्रिय शृंखलाको खेलमा वैभवले केवल १८ बलमा अर्धशतक पूरा गर्दै १५ वर्ष ११८ दिनको उमेरमा नयाँ विश्व कीर्तिमान कायम गरेका हुन्।
यसअघि यो कीर्तिमान नेपालका कुशल मल्लको नाममा थियो। कुशलले सन् २०२० मा अमेरिकाविरुद्ध १५ वर्ष ३४० दिनको उमेरमा अर्धशतक प्रहार गर्दै उक्त कीर्तिमान बनाएका थिए। १५ वर्ष ११८ दिनको उमेरमा आफ्नो पहिलो अन्तर्राष्ट्रिय अर्धशतक प्रहार गर्दै उनले पूर्ण सदस्य राष्ट्र (फुल मेम्बर) विरुद्ध अन्तर्राष्ट्रिय क्रिकेटको कुनै पनि प्रारूपमा अर्धशतक बनाउने सबैभन्दा कान्छो खेलाडी बन्ने कीर्तिमान रचेका हुन्।
यससँगै उनले भारतका महान् सचिन तेन्दुलकर (१६ वर्ष २१३ दिन) र पाकिस्तानका शाहिद अफ्रिदी (१६ वर्ष २१४ दिन) ले दशकौँअघि बनाएको कीर्तिमान पनि तोडेका छन्। सूर्यवंशीको कीर्तिमानी अर्धशतकको मद्दतमा टी–२० अन्तर्राष्ट्रिय क्रिकेटमा लगातारको हारको श्रृंखला तोड्दै शानदार जित दर्ता गरेको छ ।
यस जितसँगै भारतले लगातारका हारपछि पुनः जितको लय समात्न सफल भएको छ । भारतका लागि १५ वर्षीय वैभव सूर्यवंशी नै जितका प्रमुख नायक बने । उनले विस्फोटक ब्याटिङ गर्दै अर्धशतक पूरा गरे र टी–२० अन्तर्राष्ट्रिय क्रिकेटमा भारतका लागि सबैभन्दा कम उमेरमा अर्धशतक बनाउने खेलाडीको कीर्तिमान कायम गरे। उनले सुरुदेखि नै आक्रामक शैली अपनाउँदै विपक्षी बलरमाथि दबाब सिर्जना गरेका थिए ।
सूर्यवंशीले डेढ दर्जन बलमै अर्धशतक पूरा गर्दै भारतीय इनिङ्सलाई बलियो आधार दिएका थिए । उनको इनिङ्समा आकर्षक चौका र छक्काको वर्षा देखिएको थियो। उनी आउट भएपछि पनि भारतले लय कायम राख्दै प्रतिस्पर्धात्मक योगफल तयार पारेको थियो । लक्ष्य पछ्याउने क्रममा विपक्षी टोलीले सुरुआत राम्रो गरे पनि भारतीय बलरहरूले नियमित अन्तरालमा विकेट निकाल्दै खेल आफ्नो पक्षमा मोडे ।
मध्यम ओभरमा आएको विकेटको पतनले विपक्षी टोली दबाबमा परेको थियो र अन्ततः लक्ष्य भेट्टाउन असफल रह्यो । भारतका बलरहरूले डेथ ओभरमा कसिलो बलिङ गर्दै विपक्षी ब्याटरलाई खुलेर खेल्ने अवसर दिएनन्। त्यसका कारण भारतले सहज जित निकाल्दै हालैको खराब प्रदर्शनलाई बिर्साउने अवसर पाएको हो ।
यो जित भारतका लागि मनोवैज्ञानिक रूपमा पनि महत्वपूर्ण मानिएको छ । पछिल्ला केही टी–२० अन्तर्राष्ट्रिय खेलमा लगातार हार बेहोरेको टोलीले युवा खेलाडीहरूको उत्कृष्ट प्रदर्शनका कारण पुनः आत्मविश्वास फर्काएको छ ।
हरारेमा खेलिएको पहिलो टी–२० अन्तर्राष्ट्रियमा भारतले जिम्बाब्वेलाई ७ विकेटले पराजित गर्दै शृंखलामा १–० को अग्रता बनाएको छ।
यो जितसँगै भारतले लगातार हारको श्रृंखला तोड्नुका साथै युवा खेलाडीहरूको प्रदर्शनका कारण केही ऐतिहासिक कीर्तिमान पनि कायम भएका छन्। विशेषगरी युवा ब्याट्सम्यान वैभव सूर्यवंशी र कप्तान श्रेयस अय्यरका लागि यो खेल स्मरणीय बन्यो।
भारतीय कप्तान श्रेयस अय्यरले टस जितेर पनि खेल जित्न नसक्ने निराशाजनक कीर्तिमान अन्त्य गरेका छन्। यसअघि बुल्गेरियाका प्रकाश मिश्रासँग संयुक्त रूपमा लगातार ७ पटक टस जितेर पनि खेल जित्न नसक्ने सूचीमा रहेका अय्यरले जिम्बाब्वेमाथिको जितसँगै उक्त अवाञ्छित श्रृंखला समाप्त गरेका हुन्।
जुन २०२६ देखि जुलाई २०२६ सम्म भारतले टी–२० अन्तर्राष्ट्रियमा आफ्नो सबैभन्दा खराब प्रदर्शन गरेको थियो। यस अवधिमा टोली लगातार ७ खेल (६ हार र १ नतिजाविहीन) जित्न असफल भएको थियो, जुन भारतको टी–२० इतिहासकै सबैभन्दा लामो जितविहीन श्रृंखला थियो। जिम्बाब्वेलाई हराउँदै भारतले उक्त खराब श्रृंखलाको पनि अन्त्य गरेको छ।
यसअघि भारतले २००९ र २०२१ मा लगातार ४–४ खेल जित्न सकेको थिएन। जिम्बाब्वेले दिएको १२६ रनको लक्ष्य भारतले ४० बल बाँकी छँदै सहज रूपमा पूरा ग¥यो। १२० भन्दा बढी रनको लक्ष्य पछ्याउँदा बाँकी बलका आधारमा यो भारतको टी–२० अन्तर्राष्ट्रिय इतिहासको चौथो सबैभन्दा ठूलो जित हो।
यसअघि सबैभन्दा ठूलो यस्तो जित भारतले २०२६ मा गुवाहाटीमा न्युजिल्यान्डविरुद्ध ६० बल बाँकी छँदै १५४ रनको लक्ष्य पूरा गरेर हासिल गरेको थियो।
