इटहरी,असोज २६
इटहरी वजारको अनुगमनको क्रममा कुहिएको मासु समेत वेच्न राखेको पाइएको छ । इटहरी उपमहानगरले गरेको अनुगमनमा केहि पसलमा खसी र कुखुराको कुहिएको मासु समेत वेच्न राखेको पाइएको हो ।
अनुगमनमा रहेका जिल्ला भेटेनरी अस्पतालका डा.मनोज कुमार महतोले अनुगमन गरिएको धेरै पसलको मासु स्वास्थ्यको हिसाबले खान योग्य नरहेको पाइएको वताए ।
पशु वधशाला तथा मासु जाँच नियमावलि २०५७ बमोजिमको मापदण्ड कसैले पनि पालना गरिएको पाइएन । पसलमा जाली शिशा लगाउनु पर्ने,टायल लगाएर सजिलै सफा गर्न सकिने वनाइदिनु पर्ने,मूल्यसूची,वोर्ड राखिनुपर्ने,औजार र जोख्ने समान सफा सुग्घर हुनुपर्नेमा अधिकांशमा त्यस्तो नभएको डा. महतोले वताए ।
डा.महतोले मासुका कारण २सय ७५ किसिमका रोग सर्ने भएकाले उपभोक्ता सचेत रहनुपर्ने वताए । खुल्ला रुपमा नालीका छेउमा समेत मासुपसल राखेको पाइएको छ ।
अधिकांश मासु पसलले ब्यवसाय दर्ता नै नगरि पसल संचालन गरिरहेको पाइएको वजार अनुगमन टोली संयोजक विजय कुमार मगरले वताए । उनले पहिलो पटक सुधारका लागि सचेत गराइएको अर्को पटक अनुगमन गर्दा सुधार नगरे कारवाहीको प्रक्रियामा जाने मगरले प्रष्ट पारे ।
उद्योग वाणिज्य संघ इटहरीका वाणिज्य सचिव उमेश दाहालले मासु पसलहरुको नाजुक अवस्था भेटिएको,ढक तराजु समेत ढुँगा राखेको पाइएकोले उपमहानगरले ब्यवस्थित गर्नु पर्नेमा जोड दिए ।
