विराटनगर : मोरङको पथरीशनिश्चरे नगरपालिकामा १३ वर्षीय किशोरी बलात्कृत भएकी छिन् । अरुको घरमा काम गर्न बसेकी किशोरीलाई गत मंगलबार दिउँसो साथीले ‘आफ्नो जन्मदिन छ’ भन्दै बोलाएर लगेकी थिईन् । साथीको जन्मदिन मनाउन गएकी ती किशोरी रातभर बलात्कृत भएकी हुन् ।
जन्मदिन मनाउने बहानामा पथरीशनिश्चरे–२ को जंगलमा लगेर उनलाई दुईजनाले बलात्कार गरेका हुन् । ती किशोरीलाई जंगलसम्म पुर्याउने काम उनकै साथीले गरेकी थिईन् ।
दिउँसो घरबाट साथीको जन्मदिन मनाउन गएकी ती किशोरी भोलीपल्ट बुधबार बिहान ५ बजे बस्दै आउको घर छेउमै विक्षिप्त अवस्थामा भेटिएकी थिईन् ।
साँझसम्म नआएपछि उनलाई खोज्न संरक्षकले प्रहरीलाई समेत खबर गरेका थिए । मंगलबार रातभर बलात्कार गरी बिहान करिब ५ बजे उनलाई घरछेउमै ल्याएर छोडिएको थियो ।
खबर पाएलगत्तै प्रहरीले पथरी शनिश्चरे–१ का २२ वर्षीय मनोज राई र वडा नम्बर ९ का राजकुमार माझिलाई पक्राउ गरेको छ । यो समाचार आजको उद्घोष दैनिकमा छापिएको छ ।
