सुनसरी, आश्विन २७
सुनसरीको इटहरी उप–महानगरपालिका १३ स्थित मियाँ टोलमा शनिबार विहान नहरमा डुबेर १ बालकको मृत्यु भएको छ भने १ बालिका बेपत्ता भएकी छन् ।
बिहान करिब सवा ९ बजे घर नजिकै रहेको नहरमा खेल्ने क्रममा डुबेर सोही स्थान बस्ने तलाम मियाँको छोरा वर्ष ४ को समिर मियाँको मृत्यु भएको हो भने निजकै भाईको छोरी वर्ष ३ की रीया खातुन बेपत्ता भएकी छन् ।
घटनाको जानकारी पाउनासाथ तत्काल प्रहरी चौकी खनारबाट खटिएको टोलीले पानीमा डुबेर गम्भिर बनेका समिरलाई उद्धार गरी उपचारको लागि विराटनगर स्थित लाइफगार्ड अस्पताल पठाइएकोमा उपचारको क्रममा सोही अस्पतालमा मृत्यु भएको थियो ।
बेपत्ता भएकी खातुनको प्रहरीद्वारा खोजी कार्य भइरहेको जिल्ला प्रहरी कार्यालय सुनसरीले जनाएको छ ।
