एजेन्सी,असोज २९
जरी अफगानिस्तान प्रिमियर लिग (एपीएल) को पहिलो खेलमा नेपाली राष्ट्रिय क्रिकेट टोलीका युवा लेग स्पिनर सन्दीप लामिछानेले शानदार प्रर्दशन गरेका छन् ।
नंगरहर लेर्डसबाट एपीएलमा अनुबन्धित सन्दीपले आइतबार राती भएको खेलमा पक्तिया प्यान्थर्सबीरुद्ध बलिङ गर्दै चार ओभरमा २३ रन खर्चेर २ विकेट लिए ।
तर सामान्य लक्ष्य र अन्य बलरहरु चम्किन नसक्दा सन्दीपको टीम ७ विकेटले पराजित भयो । टस जितेर पहिले ब्याटिंग गर्दै नंगरहरले १ सय २६ रनमा अल आउट भएको थियो । १ सय २७ रनको लक्ष्य पक्तिया प्यान्थर्सले १४.४ ओभरमा ३ विकेट गुमाएर सहज जित हात पार्यो ।
प्यान्थर्सकोसहज जितमा कप्तान मोहम्मद शहजादले आक्रामक ब्याटिंग गर्दै ४३ बलमा ८ छक्का र ४ चौका मदतले अविजित ७८ रन बनाए। सन्दीपले दक्षिण अफ्रिकी राष्ट्रिय क्रिकेटर समेत रहेका क्यामरुन डेल्पोर्ट र जिम्बाब्बे उत्कृष्ट अलराउण्डर सिकन्दर राजाको बिकेट लिएका थिए ।
टीट्वान्टी विश्वकप एसिया छनोट बी खेल्न मलेसिया गएपछी सन्दीपले सुरुवाती खेल गुमाएका थिए ।
