२ कार्तिक , काठमाण्डौ ।
पूर्वप्रधानमन्त्री एवं नेपाली कम्युनिस्ट पार्टी (नेकपा)का वरिष्ठ नेता झलनाथ खनाल मुटुसम्बन्धी समस्या देखिएपछि अस्पताल भर्ना ।
खनाललाई आइतबार काठमाडौंस्थित ह्याम्स अस्पतालमा भर्ना गरियो ।
खनालको मुटुमा समस्या देखिनुका साथै फोक्सोमा पानी जमेको उनको सचिवालयको भनाइ ।
उनको स्वास्थ्य अवस्थालाई चिकित्सकहरूले निगरानीमा राखेका छन्।
हाल खनालको आइसियूमा उपचार भइरहेको भए पनि स्वास्थ्य अवस्था सामान्य रहेको सचिवालयले दियो जानकारी ।
खनाललाई असहज महसुस भएपछि अस्पताल लगिएको र आवश्यक परीक्षणपछि चिकित्सकको निगरानीमा उपचार भइरहेको उल्लेख ।
नेकपा एमालेका अध्यक्ष तथा पूर्वप्रधानमन्त्री केपी शर्मा ओली खनालको स्वास्थ्य अवस्था बुझ्न ह्याम्स अस्पताल पुगे ।
खनाल नेपालको कम्युनिस्ट राजनीतिमा लामो समयदेखि सक्रिय नेता हुन्।
उनी नेकपा एमालेका पूर्वमहासचिव तथा पूर्वअध्यक्षसमेत हुन्।
२०६६ सालमा उनी नेपालको प्रधानमन्त्री बनेका थिए।
