विराटनगर,कात्तिक ६
मोरङमा पछिल्लो दुई साताको अवधिमा ५ सय बढी मादक पदार्थ सेवनगरि सवारीसाधन कुदाउनेहरु कारवाहीमा परेका छन् । असोज २३ गते देखि दुर्घटना न्युनिकरण गर्ने उद्धेश्यसहित मोरङ प्रहरीले शुरु गरेको मापसे बिरुद्धको अभियान अन्र्तगत पहिलो दुईसातामा ५ सय ५९ जना कारवाहीमा परेका हुन् ।
जसमा मापसेगरी सवारीसाधन कुदाउदै गरेको फेला परेका ५ सय ५९ जनामध्ये ३ सय ८१ जना परीक्षामा सहभागि भएको र ती मध्ये २ सय ८७ जनाले पास तथा ९४ जना फेल भएका छन ।
फेल भएका ९४ जनाले दोश्रो पटक परीक्षा दिएकोमा ७७ जनाले पास गरेका छन भने बांकी १७ जना फेरी फेल भएका छन् । दोश्रो पटकको परीक्षामा समेत फेल भएकाहरुले पास नहुञ्जेल परीक्षा दिइरहनुपर्ने नियम छ ।
पास भएकाहरुले नियमानुसारको नगद जरीवाना तिरेर आ–आफ्नो सवारीसाधनको ब्लुबुक र लाईसेन्स लिएर गएका छन भने फेल भएकाहरुले लगातार परीक्षा दिएर भएपनि पास भएपछि मात्र कागजपत्र पाउने मोरङ प्रहरीका डिएसपी घनश्याम श्रेष्ठले जानकारी दिएका छन् ।
मापसेगरि सवारीसाधन कुदाउनेलाई निरुत्साहितगर्न मोरङ प्रहरीले महानगरक्षेत्रका विभिन्न सडक र चोकहरुमा नियमित चेकजांच गर्ने गरेको छ ।
