जनकपुर,कार्तिक ६
जनकपुरमा घुस रकमसहित सशस्त्र प्रहरी बलका एक हवल्दार पक्राउ परेका छन् ।
भन्सारमा सामान पास गराउन सहयोग गर्ने भन्दै उनले ११ हजार घुस लिएको अवस्थामा अख्तियार दुरुपयोग अनुसन्धान आयोगको टंगाल र बर्दिबासस्थित कार्यालयबाट खटिएको टोलीले पक्राउ गरेको हो ।
जनकपुरको कदम चोकबाट घुस रकमसहित सशस्त्र प्रहरीका सहायक हवल्दार चन्देश्वर गिरी पक्राउ परेका अख्तियारले जनाएको छ ।
उनलाई भारतीय बजारबाट घरायसी सामान भन्सार नतिरी नेपाल प्रवेश गराउने भन्दै ब्यापारीसँग रकम लिदै गर्दा पक्राउ गरेको अख्तियारको भनाइ छ ।
सेवाग्राहीबाट घुस लिइरहेको अवस्थामा कदम चोकस्थित एक पसलबाट सशस्त्र प्रहरीको घुमुआ गिरीलाई अख्तियारको टोलीले पक्राउ गरेको हो। पक्राउ परेका गिरीबारे थप अनुसन्धान भइरहेको अख्तियारको बर्दिवास कार्यालयले जनाएको छ।
