विराटनगर,कात्तिक ७
सामुदायिक अधिकार स्थापित गर्न सामूहिक पहल आवश्यक रहेको बैश्य समुदायका अगुवाहरुले बताएका छन् ।
नेपाल वैश्य युवा संघ मोरङले आज विराटनगरमा आयोजना गरेको शुभकामना आदानप्रदान कार्यक्रममा बोल्ने वक्ताहरुले यस्तो बताएका हुन् । कार्यक्रममा बोल्दै युवा नेता एवम समाजका अगुवा दिनेश साहले वर्तमान संविधानमा बैश्यको पहिचान नभएको बताए ।
उनले समुदायभित्र रहेको जातिय विभाजनको संकीर्णताबाट माथि उठेर अधिकारको अवाज उठाउनुपर्ने बताए । मानवअधिकारकर्मी सञ्जु साहले संघ र प्रदेशले बनाउन लागेको कानुनहरुमा बैश्य समुदायको पहिचान स्थापित गराउन सामुहिक पहल आवश्यक रहेको बताइन् ।
आयोजक संस्थाका केन्द्रीय अध्यक्ष दिलीप साह, मोरङ अध्यक्ष कन्हैयालाल साह र हंसादेवी साहलगायतले शान्तिपुर्ण आन्दोलन गरेर भएपनि आफ्नो आवाज उठाउनुपर्ने विचार ब्यक्त गरे ।
