विराटनगर, कार्तिक ८
भारतीय नेपाली भाषी साहित्यकारहरुको सम्मानमा आज विराटनगरमा कविगोष्ठी आयोजना गरिएको छ ।
पूर्वाञ्चल साहित्य प्रतिष्ठान र परोपकार अभियान समूहको संयुक्त आयोजनामा भएको कार्यक्रममा भारतबाट आएका नेपाली भाषी साहित्यकारहरुलाई माला लगाएर प्रतिष्ठानका अध्यक्ष प्राज्ञ विवश पोखरेलले स्वागत गरेका थिए ।
कार्यक्रममा भारतीय नेपाली भाषी साहित्यकार ज्ञानबहादुर क्षेत्री, चन्द्रमणि उपाध्याय, विष्णु शास्त्री, माधव भट्टराई, छत्रमान सुब्बा, कृष्ण आचार्य, प्राञ्जल प्रतिम बोहरा लगायतले मन्तव्यसहित कविता वाचन गरेका थिए ।
कार्यक्रममा वरिष्ठ समालोचक डा. गोविन्दराज भट्टराई, दधिराज सुवेदी, परोपकार अभियान समूहका अध्यक्ष बाबुराम न्यौपानेलगायतले शुभकामना मन्तव्य व्यक्त गरेका थिए ।
