काठमाडौं,कात्तिक ११
एक पछि अर्को अन्तर्राष्ट्रिय चर्चित लिग खेलिरहेका नेपाली राष्ट्रिय टोलीका लेग स्पिनर सन्दीप लामिछानेले बंगलादेश प्रिमियर लिग (बीपीएल) खेल्ने भएका छन् । बंगलादेश प्रिमियर लिग (बीपीएल) मा उनी सिलेट सिक्सर्सबाट खेल्ने भएका हुन् ।
सिलेट सन्दीपसँगै अष्ट्रेलियाका आक्रमक ब्याट्सम्यान डेभिड वार्नर पनि खेल्ने छन् । सिलेटले दुई खेलाडीले सिधै अनुबन्धन गर्न सक्ने प्रावधान अनुसार अक्सन अघिनै सन्दीप र वार्नरलाई लिएको छनौट गरेको हो ।
सिलेटले उनलाई छनौट गरेको जनाएपनि कति रकममा अनुबन्ध गरेको भन्ने खुलाएको छैन ।दक्षिण अफ्रिकासँग तेस्रो टेस्ट खेल दौरानमा बल टेम्परिङ प्रकरणमा मुख्य योजनाकार रहेको पुष्टि भएपछि वार्नरलाई अष्ट्रेलिया क्रिकेट बोर्डले राष्ट्रिय टोलीबाट १ वर्ष अन्तर्राष्ट्रिय खेल्न प्रतिवन्ध लागाएको छ तर फ्रेन्चाइज लिग खेल्न छुट दिएको छ ।
बल टेम्परिङ काण्डमा मुछिएका पुर्व कप्तान स्टिभ स्मिथ र वार्नरको प्रतिवन्ध आगमी फागुनमा मात्र फुकुवा हुनेछ । विपीएल आगमी जनवरी ५ देखी फेब्रुअरी८ सम्म बंगलादेशमा चल्ने छ ।
