विराटनगर,कार्तिक ११
नेपाल मुस्लिम संघको आयोजनामा १ नम्बर प्रदेशस्तरीय प्रशिक्षण कार्यक्रम सुनसरीको इनरुवामा हुने भएको छ । नेपाल मुस्लीम संघले आइतबार विराटनगरमा पत्रकार सम्मेलन गरी कार्तिक १४ गते प्रशिक्षण हुने जानकारी गराएको हो ।
नेपाली कांग्रेसका नेता तथा पूर्वमन्त्री फरमूल्लाह मन्सुरको प्रमुख आतिथ्यतामा हुने कार्यक्रममा प्रदेश नम्बर १ का ३ सय मुस्लिम कार्यकर्तालाई प्रशिक्षित गराउने नेपाल मुस्लिम संघका संयोजक अतावुल मन्सुरीले जानकारी दिए ।
उनले नेपाली कांग्रेसका प्रवक्ता विश्वप्रकाश शर्माले प्रशिक्षण दिने जानकारी समेत गराए । प्रदेश नम्बर १ का सुनसरी, मोरङ, झापा, उदयपुरलगायतका जिल्लामा मुस्लिम समुदायको बाहुल्यता रहेको छ ।
प्रदेश नम्बर १ मा २ लाखभन्दा बढी मुस्लिम समुदायको जनसंख्या रहेको कार्यक्रममा जानकारी दिइएको थियो ।
