विराटनगर, कात्तिक १४
उद्योग, वाणिज्य तथा आपूर्ति मन्त्री मातृकाप्रसाद यादवले वर्तमान सरकारले जनताको दिएको जनादेश अनुसार काम गरेकाले सरकारको लोकप्रियतामा कुनै कमि नआएको बताएका छन् ।
विराटनगर विमानस्थलमा बुधबार सञ्चारकर्मीहरुँंग कुराकानी गर्दै मन्त्री यादवले मुलुकलाई समृद्धीको बाटोमा लान सरकारले लागि परेको पनि बताए । उनले सरकारले चिनीको विक्री मूल्य रु ७० तोकेको हुनाले मूल्यभन्दा ज्यादा विक्री भएकोमा पाइएमा त्यस्ता व्यपारीलाई कारवाही हुने समेत जानकारी दिए ।
मन्त्री यादवले उपभोक्ता, किसान र उद्योगीहरुसंगको छलफल पछि नै सरकारले चिनीको खुद्रा मुल्य रु ७० कायम गरेको प्रष्ट पारे । उनले आज नै बिराटनगरको बैजनाथपुरमा निर्माणधिन एकिकृत भन्सार चेक पोष्टको अनुगमन समेत गरेका छन् । सो क्रममा मन्त्री यादवले चोकपोष्ट निर्माणमा भईरहेको प्रगतिको बारेमा निर्माण कम्पनीका प्रतिनिधि सँग जानकारी समेत लिएका छन् ।
