विराटनगर : अपहरणपछि हत्या गरिएका विराटनगरका महम्मद अस्फाकका आफन्तले प्रहरीबाटै आफुहरु असुरक्षित भएको गुनासो गरेका छन्।
अस्फाक हत्याको आरोपमा पक्राउ परेका दुई थुनुवा फरार प्रकरणको विरोध गर्न खोज्दा धम्की दिएको बताउँदै प्रहरीबाटै असुरक्षित भएको गुनासो गरेका हुन् ।, यो समाचार आजको उद्घोष दैनिकमा छापिएको छ ।
हत्या प्रकरणको आरोपी फरार प्रकरणको विरोध गर्न खोज्दा प्रहरी कार्यालय रानीबाटै धम्की दिएको उनीहरुले गुनासो गरे । मृतकका बुबा मोहम्मद् खलिल मियाँले बिहीबार विराटनगरमा पत्रकार सम्मेलन गरी प्रहरीले मानसिक तनाव दिएको गुनासो गरे ।
‘हत्या आरोपी भागेपछि प्रहरीको कार्यशैलीको विरोध गर्न खोज्दा इलाका प्रहरी कार्यालयका प्रहरी निरीक्षक सन्तोष निरौलाल रोके’ उनले भने ‘प्रहरीले अनावश्यक धम्की दिईरहेको छ ।’ खलिलले आफु प्रहरीबाटै असुरक्षित भएको गुनासो गरेका छन् ।
विराटनगर १७ का महम्द अस्फाकको हत्या आरोपमा असोज दोस्रो साता पक्राउ परेका २१ बर्षीय मोहम्मद सद्धिम हुसेन र २० वर्षीय मोहम्मद आरिफ आलम गत शुक्रबार प्रहरीको थुनुवा कक्षबाट फरार भएका थिए ।
इलाका प्रहरी कार्यलय रानीको थुनुवा कक्षमा रहेको भेन्टिलेसनका रड काटेर हत्या आरोपी नाटकीय ढंगबाट भागेका थिए ।
