काठमाडौं, मंसिर १८
एभरेष्ट प्रिमियर लिग (ईपीएल) को साविक विजेता विराटनगर वरियर्सले मंसिर २२ बाट सुरु हुने तेस्रो संकरणको ईपीएलका लागि आफ्ना ४ विदेशी खेलाडी र प्रशिक्षकको नाम सार्वजनिक गरेको छ ।वरियर्सले सोमबार प्रेस विज्ञप्ति जारी गर्दै सार्वजनिक गरेको हो ।
सार्वजनिक गरेको विदेशी खेलाडीमा हङकङका पूर्वकप्तान बाबर हायत,नेदरल्यान्डका पाउल भेन म्याकेरन, पूर्व दक्षिण अफ्रिकी तथा हाल डच खेलाडी रोलोफ भेन डि मार्वे र भारतका स्मित पटेलको रहेका छन् भने प्रशिक्षकको रुपमा उमेर पटवाललाई नियक्त गरेको जनाएको छ ।
३३ वर्षिय रोलोफले दक्षिण अफ्रिकाबाट पनि अन्तर्राष्ट्रिय क्रिकेट खेलेका थिए । रोलोफले वान डे र टी– २० खेल दक्षिण अफ्रिकाबाट सन् २००९ मा अस्ट्रेलियाबीरुद्ध डेब्यु गरेका थिए । रोलोफ नेदरल्यान्डस्का भरपर्दा अनुभवी खेलाडी हुन् । उनी आईपीएलमा दिल्ली डेयर डेभिल्स र रोयल च्यालेन्चर बेङ्लोरबाट खेली सकेका खेलाडि हुन् ।
उनले १३, वान डे, २५ टी–२० अन्तर्राष्ट्रिय, १ सय ७३ लिष्ट ए साथै १ सय ८९ टी–२० खेल खेलेका छन् । वान डेमा कुल ३९ रन बनाउनुको साथै १७ विकेट लिएका छन् । त्यस्तै १ सय ८९ टी–२० खेलमा उनले २१०९ रन बनाउँनुको साथै १ सय ७४ विकेट हात पारि सकेका छन् ।
त्यस्तै नेदरल्यान्डका पाउल भेन बलिङ अलराउण्डर हुन् । मध्य गतिमा गतीमा बलिङ गर्ने २५ वर्षिय पाउलले नेदरल्यान्ड्सबाट ४ वान डे,२३ टी–२० र ४४ लिष्ट ए खेल खेलेका छन् । उनले वान डे मा २, टी–२० मा २० र लिष्ट ए मा ४२ विकेट लिएका छन् । त्यस्तै हङकङका कप्तान बाबर अघिल्लो वर्ष पनि विराटनगरबाटै खेलेका थिए ।
पटेलले गुजरात इन्डियाबाट खेल्ने गर्दछन। एक महिना अघि पोखरा लिग प्रिमियर (पीपीएल) मा चितवनबाटै पारसकै टिमबाट खेलेका थिए ।विराटनगरले प्रतियोगिताको सुरुवातमा मंसिर २२ मा ललितपुरसँग खेल्ने छ ।
