Nepal Times
Nepal Times
3
Shares

२ लाख ३२ हजार बराबरको प्रतिबन्धित् औषधि बरामद

२ लाख ३२ हजार बराबरको प्रतिबन्धित् औषधि बरामद

भद्रपुर, पुष ११
सशस्त्र प्रहरीले झापाको काकँडभिट्टा नाकाबाट भित्राइएको २ लाख ३२ हजार मुल्य बराबरको नेपालमा प्रतिबन्ध आयुर्वेदिक औषधि बरामद गरेको छ । सशस्त्र प्रहरी बल राजस्व तथा भन्सार सुरक्षा गुल्म काँकडभिट्टाबाट खटिएको टोलीले काँकडभिट्टाको मूल गेट र जोरसिमल चेकपोष्टबाट उक्त मूल्य बराबरको आयुर्वेदिक औषधि बरामद गरेको हो ।

सरकारले प्रतिबन्ध लगाएको ओरिन्स् भारतीय कम्पनीले उत्पादन गरेको विभिन्न किसिमका आयुर्वेदिक औषधि बरामद गरिएको सशस्त्र प्रहरी नायव उपरीक्षक बस्नेतले जानकारी दिए । उनका अनुसार ओरिन्स् कम्पनीका ट्रोनिक्स, जुस, क्रिम, टेब्लेट लगायतको औषधि फेला परेको छ ।

बरामद गरिएको औषधिलाई मेची भन्सार कार्यालय काँकडभ्टिटा बुझाइसकेको जनाइएको छ । भारतीय औषधी कम्पनीले नेपाली युवायुवतीलाई रोजगारीको आश्वासन दिदै पूर्वका जिल्लामा नेर्टवकिङ्गमार्फत औषधिको व्यापार चलाउने उद्देश्यले पूर्वी नाका काकँडभिट्टालाई प्रयोग गर्दै आएको छ ।

पूर्वका झापा, मोरङ, सुनसरी, इलाम लगायतको जिल्लामा ओरिन्स् भारतीय कम्पनीले उत्पादन गरेको आयुवैदिक औषधीलाई नेटर्वकिङ्गमार्फत नेपाली बजारमा बिक्री वितरण गराउन कलेज पढने युवायुवतीलाई प्रयोग गर्दै आइरहेको अनुसंन्धानबाट खुलेको सशस्त्र प्रहरी बल राजश्व तथा भन्सार सुरक्षा गुल्म काँकडभिट्टाबाट डिएसपी सशस्त्र प्रहरी नायव उपरीक्षक (डिएसपी) दिनेश बस्नेतले जानकारी दिए ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.