दाङ, पुस ६
दाङको तुलसीपुर–कपुरकोट सडकखण्डमा बस दुर्घटा हुँदा नौ जनाको मृत्यु भएको छ।
३१ जना सवार बा ४ ख ९७६६ नम्बरको सहीद कृष्णसेन इच्छुक प्राविधिक शिक्षालयको बस तुलसीपुर–कपुरकोट सडकखण्डको तुलसीपुर ३ राम्रीमा दुर्घटना भएको हो।
बस राम्रीको बाटोबाट ५ सय मिटर तल खोल्सामा खसेको र अहिलेसम्म नौजनाको मृत्यु भइसकेको इलाका प्रहरी कार्यालय तुलसीपुरका डीएसपी प्रेमबहादुर शाहीले जानकारी दिए ।
उनका अनुसार चार जनाको उद्धार गरी उपचारका लगाई पठाइएको छ। अहिले दाङ र सल्यानको प्रहरी, स्थानीय उद्धारमा खटिएका छन्।
कपुरकोटस्थित मुलपानी वनस्पति उद्यानको अवलोकन भ्रमण गरेर फर्कदै गर्दा शिक्षक तथा विद्यार्थी चढेकोे बस दुर्घटना भएको प्रहरीको भनाइ छ। थप विवरण आउन बाँकी छ।
