झापा, पुस १५
झापाको अर्जुनधारास्थित एक चिया बगानमा महिला र पुरुषको अश्लिल फोटो र भिडियो बनाएर सामाजिक सञ्जालमा अपलोड गर्ने धम्की दिँदै लुटपाटमा संलग्न दुई जनालाई प्रहरीले पक्राउ गरेको छ ।
पक्राउ परेका अर्जुनधारा–९ का १७ बर्षीय बिजयबहादुर मगर र सोही ठाउँका नवीन डाँगीलाई इलाका प्रहरी कार्यालय बिर्तामोडले सार्वजनिक गरेको छ । प्रहरीका अनुसार अर्जुनधारा–११ स्थित गिरीबन्धु टी इस्टेटमा गत बिहीबार घुम्दै तस्वीर खिचिरहेका उनीहरुलाई अभियुक्तहरुले खुकुरी देखाई अश्लिल गतिवधी गर्न लगाएका थिए ।
खिचिएको अश्लिल तस्वीर भाइरल बनाइ दिने भन्दै धम्क्याएर अभियुक्तहरुले पिडितहरुको साथमा भएको १२ हजार दुई सय रुपैयाँ लुटेका थिए । अभियुक्तले थप एक लाख रुपैयाँ माग गरेपछि बिर्तामोड आइपुगेका पीडित भागेर इलाका प्रहरी कार्यालय पुगेर प्रहरीलाई घटनाको विषयमा जानकारी गराएका थिए ।
प्रहरीको टोली चिया बगान पुग्दा महिलालाई पूर्ण रुपमा कवडा विहिन अवस्थामा फेला पारेको इलाका प्रहरी कार्यालय बिर्तामोडका प्रहरी नायव उपरीक्षक कृष्णप्रसाद कोइरालाले बताए । एक लाख रुपैयाँ माग गर्दै बिर्तामोडसम्म ल्याउने कार्यमा नवीन डाँगी संलग्न भएको र घटनामा संलग्न एक व्यक्ति फरार रहेकाले उनको खोजी भइरहेको प्रहरीले जनाएको छ ।
प्रहरीले घटनामा संलग्नलाई जवरजस्ती करणी उद्योग र लुटपाट मुद्दामा म्याद थप गरी अनुसन्धान अघि बढाएको इलाका प्रहरी कार्यालय बिर्तामोडले जनाएको छ ।
