विराटनगर, पुस २०
रंगकर्मी अनुप बरालको ले्खन र निर्देशन रहेको ‘दिल्ली टु दुबई ’ नाटक आज अपराहन्न विराटनगरमा मञ्चन हुदैछ । लिनीयस विश्वविद्यालय स्विडेन, काठामाडौ मेडिकल कलेज र एक्टर्स स्टुडियोको सहकार्यमा उक्त नाटक अपराहन्न ३ बजे विराटनगर स्थित आरोहण गुरुकुलमा मञ्चन हुने भएको हो ।
लैंगिक हिंसा एवम चेलीबेटी बेचबिखन न्युनिकरणका लागि उक्त नाटक मञ्चन गर्न लागिएको हो । लैंगिक हिंसा तथा चेलीबेटी बेचबिखन न्युनिकरणको विषयमा निर्माण गरिएको उक्त कचहरी नाटकको पहिलो शो आज हुने भएको हो ।
बरालले निर्देशन गरेको नाटकमा नायिका दिया मास्के, सुरज मल्ल, बिनिता थापा मगर, प्रेम वर्षा खड्का, अनुज पाण्डे र कमल प्यासी देवकोटाको अभिनय रहने जनाइएको छ ।
यस परियोजनाको अनुसन्धानकर्ता लिनीयस विश्वबिद्यालयका तर्फबाट प्रणव दाहाल र प्रा.डा.कटरिना स्वानबर्ग रहेकी छिन भने काठमाडौँ मेडिकल कलेज काठमाडौबाट प्राध्यापक डा. सुनिलकुमार जोशी रहेका छन् ।
