विराटनगर, बैशाख १२
विराटनगर – मोरङको विराटनगर महानगरपालिका –६ स्थित केसलिया खोलामा अवैध रुपमा वालुवा उत्खनन् गरिरहेका स्काइभेटरसहित ३ वटा टिपर र एउटा ट्रयाक्टरलाई प्रहरीले नियन्त्रणमा लिएको छ ।
बिहीबार बिहान सीआरभी केसलिया मार्गबाट खटिएको प्रहरी टोलीले खोलाबाट नदीजन्य पदार्थ उत्खनन् गरिरहेको अवस्थामा ‘अनटेष्ट’ स्काईभेटरसहित ना. ५ ख ७४४५, को. १ क १९६३ बा. ८ ख ५९९४ नम्बरको टिपर र को. १ त २७९१ नम्बरको ट्रयाक्टरलाई प्रहरीले नियन्त्रणमा लिएको हो ।
नियन्त्रणमा राखिएको सवारीलाई आवश्यक कारवाहीको लागि विराटनगर महानगरपालिकालाई जिम्मा लगाइएको प्रदेश प्रहरी कार्यालय विराटनगरले जनाएको छ।
