२६ असार, काठमाडौँ ।
वरिष्ठ अभिनेत्री भुवन चन्द थापाले निर्माण गरेको चलचित्र ‘साइनो’ को ट्रेलर सार्वजनिक भएको छ । चलचित्रको ट्रेलर बिहीबार युट्युबमा रिलिज गरिएको हो । ट्रेलरमा निता ढुङ्गाना, मीरुना मगर र राज कुमारबिचको प्रेमलाई देखाइएको छ । त्रिकोणात्मक प्रेमकथामा आधारित भनिएको ‘साइनो’ साउन २४ गते देश व्यापी रूपमा प्रदर्शनमा आउनेछ ।
चलचित्रमा निता, मिरुना र राजसँगै भुवन चन्द थापा, वसुन्धरा भुसाल, मदनदास श्रेष्ठ, राजा राजेन्द्र पोखरेल, रोयदीप श्रेष्ठ, श्याम राई, शिखा मल्ल, विशाल पहाडी, भीमसेन लामा, धर्मेन्द्र आचार्य, रामेश्वर बुर्लाकोटी, बसुकला मैनालीलगायतका कलाकारको अभिनय रहेको छ ।
चन्द्र विनायक फिल्म प्रोडक्सनको ब्यानर निर्माण भएको चलचित्रमा रामेश्वर कार्कीको छायाङ्कन, रामजी लामिछानेको कोरियोग्राफी, बनिश शाहको सम्पादन छ । चलचित्रमा अभिमन्यु निरवीको कथा छ भने रमेश थापाले निर्देशन गरेका हुन् । यस चलचित्रका कार्यकारी निर्माता शरण थापा हुन् ।
