२३ भदौ, काठमाडौं ।
नेपाल राष्ट्र बैंकले २० अर्बको ट्रेजरी बिल बिक्री गर्ने भएको छ ।
केन्द्रीय बैंकले मंगलबार तीन भिन्न किसिमका २० अर्बको ट्रेजरी बिक्री गर्न लागेको हो । ट्रेजरी बिलको अनलाइन बोलकबोल आज दिउँसो तीन बजे हुँदैछ ।
९१ दिनको लागि जारी हुन लागेका ८ अर्बको ट्रेजरी बिल २०७६ असोज २८ गते, १८२ दिनको लागि जारी हुन लागेको ६ अर्बको ट्रेजरी बिल २०७६ पुस २९ गते र ३६४ दिनको लागि जारी हुन लागेको ६ अर्बको ट्रेजरी बिल २०७७ असार ३० गते परिपक्व हुनेछ ।
यसअघि २०७६ असार २३ गते जारी भएको १० करोड रुपैयाँ बराबरको ९१ दिने ट्रेजरी बिलमा ७५ करोडबराबरको बिड परेको थियो ।
