३ कार्तिक, काठमाडौँ ।
बलात्कार प्रयासको आरोपमा प्रहरीको नियन्त्रणमा रहेका निवर्तमान सभामुख कृष्णबहादुर महरालाई आइतबार अदालत लगिँदैछ । अनुसन्धानका लागि म्याद थप गर्न उनलाई अदालत लैजाने तयारी भएको हो ।
असोज २८ गते काठमाडौँ जिल्ला अदालतले महरालाई तीन अनुसन्धानका लागि तीन दिन थुनामा राख्न अनुमति दिएको थियो । अदालतले दिएको सो म्याद सकिएसँगै आइतबार पुनः म्याद थपको मागका लागि महरालाई अदालत लैजान लागिएको हो ।
थुनामा रहेका महरालाई दिउँसो अदालत लैजाने तयारी रहेको प्रहरीले जनाएको छ ।
पीडित महिलाले असोज १८ गते किटानी जाहेरी दिएपछि महरालाई प्रहरीले असोज १९ गते पक्राउ परेको थियो । प्रहरी परिसर सिंहदरबारको थुनामा रहेका महराको स्वास्थ्यमा समस्यादेखि पछि केही दिनदेखि नर्भिक अस्पतालमा छन् ।
उनीमाथि संसद सचिवालयमा कार्यरत महिला कर्मचारीले बलात्कारको आरोप लगाएकी हुन् ।
