१७ मंसिर, पाँचथर । पाँचथरमा आगलागीबाट एक जनाको मृत्यु भएको छ । जिल्लाको फालेलुङ गाउँपालिका ४ मेमेङका ७० बर्षीय टंकरानी थाम्सुहाङको आगलागीबाट मृत्यु भएको हो ।
सोमवार राती साँढे ११ बजे निजको घरमा खाना पकाउने चुलोबाट अचानक आगलागी भई बाँसको टाटी बेरा भएको १ तले कच्ची घरमा आगलागी हुँदा घर भित्र सुतिरहेकी बृद्धाको जलेर मृत्यु भएको जिल्ला प्रहरी कार्यालय पाँचथरले जनाएको छ ।
आगलागीको घटनाको विषयमा थप अनुशनधान भईरहेको पाँचथर प्रहरीले जनाएको छ ।
