२ माघ, काठमाडौं ।
एकीकरण मार्ग सबैको साझा एजेण्डा बन्नु पर्ने प्रधानसेनापति पूर्णचन्द्र थापाले बताएका छन् ।
एकीकृत नेपालका निर्माता राज पृथ्वीनारायण शाहले एकीकरण अभियानका क्रममा रोजेको मार्गलाई सेनाले एकीकरण मार्ग बनाउनका लागि अभियान थालेको छ ।
सरकारको नीति तथा कार्यक्रममा पनि समावेश रहेकाले यसलाई सबैको साझा एजेण्डा बनाइनु पर्नेमा प्रधानसेनापति थापाले जोड दिएका छन्।
काठमाडौँमा बिहीबार भएको एकीकरण मार्ग सम्बन्धी बृहत सम्मेलनमा प्रधानसेनापति थापाले पृथ्वीनारायण शाहले गरेको एकीकरणबाट दूरदर्शीता र एकता नै ठूलो बल हो भन्ने कुरा सिक्नु पर्ने र त्यो अहिलेको समयका लागि पनि उत्तिकै महत्वपूर्ण रहेको बताए ।
एकीकरण मार्ग नेपालको इतिहास रहेको र यसका लागि सबै मिलेर काम गर्नु पर्ने उनले बताए ।
सेनाको टोलीले २९८ औँ पृथ्वी जयन्ती तथा राष्ट्रिय एकता दिवसको अवसर पारेर गोरखा दरबारबाट एकीकरण यात्रा गरेको थियो ।
