विराटनगर÷ आरोहण गुरुकुल विराटनगरमा साहित्यकार गोपालप्रसाद रिमालको कृतिमा आधारित नाटक ‘मसान’ मञ्चन गरिने भएको छ । चैत १० गते शनिवारदेखि एकसाता सम्म मसान मञ्चन गरिने भएको हो । सहित्यकार स्व.गोपालप्रसाद रिमालद्धारा लिखित ‘मसान’ नाटकको मुकेश कर्णले निर्देशन गरेका छन् । महिलालाई हेपिएको बिषयबस्तुलाई समेटेर रिमालले विस २००३ सालमा लेखेको नाटक मञ्चन गर्न लागिएको हो । नाटकको सन्देश अझैपनि सान्धरबिक रहेकाले नाट्य रुपान्तरण गर्न मञ्चन गरिएको निर्देशक कर्णले जानकारी दिए ।
मसान दिपा पोखरेल, विजया नेपाल, वर्षा न्यौपाने, सम्झना आर्चय, निर्मल शर्मा, रिदम बस्नेत, अशोक गौतमले अभिनय गरेका छन् । नाटकको लाइट व्यावस्थापन भरत कार्की र स्टेज व्यावस्थापन विकास पराजुलीले गरेका छन् । गोपालप्रसाद रिमाल नेपाली साहित्यमा प्रगतिवादी साहित्यकारका रूपमा चिनिन्छन् । विसं १९७५ , जेठमा जन्मिएका रिमालको मृत्यु विसं २०३०, कार्तिकमा भएको थियो । उनले लेखेका कृतिहरु मध्ये ‘मसान’ नाटक चर्चित नाटक हो
