२१ असार, एजेन्सी । स्पेनिस ला लिगा फुटबलमा उपाधि दाबेदार रियल म्याड्रिडले एथ्लेटिको बिल्बाओलाई १-० ले हराएको छ ।
आइतबार भएको खेलमा रियलको लागि खेलको ७३ औँ मिनेटमा सर्जिओ रामोसले पेनाल्टीमार्फत गोल गरे । डानी गार्सियाले मार्सेलोलाई लडाएपछि रियलले पेनाल्टी पाएको थियो । आजको जितसँगै रियलको तालिकामा ७७ अङ्क भएको छ ।
एक खेल कम खेलेको बार्सिलोनाको भने ७० अङ्क रहेको छ । आज राति पौने दुई बजे बार्सिलोनाले भिल्ला रियलसँग खेल्दैछ ।
