२४ असार, काठमाडौँ ।
सरकारले नागरिकलाई मास्कलगाउन अनिवार्य गरेको छ । तर, स्वयं नीतिनिर्माताहरुले नै मास्कको सहि ढंगले प्रयोग गरेका छैनन् । विश्व स्वास्थ्य संगठनले भिडमा जाँदा मास्कलगाउन अनिवार्य भनेको छ तर पनि हाम्रा नीतिनिर्माताहरु जानेर वा नजानेर, बुझेर वा नबुझेर मास्कको प्रयोगमा हेलचेक्रयाई गरिरहेका छन् । हामीले लकडाउन भएयता नीति निर्माताहरुले मास्कको प्रयोग कसरी गरिरहेका छन भनेर देखाउनखोजेका छौं ।
सबैभन्दा पहिला प्रतिनिधि सभाको यो दृष्य हेरौं
यो प्रधानमन्त्री केपीशर्मा ओलीले संघीय संसद अन्तर्गतको प्रतिनिधि सभालाई संबोधन गरेको दृश्य हो । यहाँ प्रधानमन्त्री ओलीले मास्क लगाएका छैनन् । प्रधानमन्त्री अगाडि रहेको माइकलाई कपडाले ढाकिएको छ । तर राष्ट्रिय सभालाई सम्बोधनगर्दा को यो दृष्य हरौँ न याहा उनले मास्क लगाएका छन न त माइकलाई छोपिएको छ ।
फेरी अर्को दृष्य हेरौं
यहाँ संघीय संसद प्रतिनिधि सभाको सार्वजनिक लेखा समितिमा नेपाली कांग्रेसका सांसद मिनेन्द्र रिजालले बोल्दै छन् । समितिमा कोरोना भाइरस रोकथाम तथा नियन्त्रणका लागि स्वास्थ्य सामग्री खरिद प्रक्रणमा अनियमितता भएको सम्बन्धमा छलफल भइरहेको छ । यो बैठकमा सांसद रिजालले मुखमा लगाएको मास्क माइकलाई लाइदिदै भने ‘यसरी भन्दा यसरी सजिलो होला जस्तो छ । यसरी किन खोल्या भन्दा दुईवटै उस्तै हुन् ।’ यसबाट सांसद रिजालले भन्नखोजेका छन् मास्क आफुले लगाएपनि हुने अथवा माइकले लगाएपनि हुने भन्ने बुझिन्छ । यी दुई दृष्यबाट कोभिड १९ संक्रमणबाट जोगिनका लागि मास्कको प्रयोग कति महत्वपूर्ण छ भन्ने कुरा लाई नै माननीयहरुले नजरअन्दाज गरेको देखिन्छ ।
अब यो पनि हेरौं
यो दृश्य संघीय संसद भवनमा सांसदहरु प्रवेश गर्दै गर्दाको हो । बैठकमा सहभागी हुनका लागि अनिवार्य मास्क लगाउन पर्ने निर्देशन सचिवालयले जारी गरेको थियो । सोही निर्देशन कार्यान्वयनका लागि विना मास्कआएका सांसदहरुलाई प्रवेश द्धारमा मास्क र ग्लोभ उपलब्ध गराउने गरिन्थ्यो । मास्क लगाएर आएका सांसदहरुले पनि सचिवालयले उपलब्ध गराएको मास्क हातभरी लिएर जाने गरेकाथिए । तर कतिपय सांसदहरुले चिउडो मुनि मास्क लगाउने र हातमा हल्लाएर हिंडने दृष्यपनि प्रशस्त देखिने गरेका थिए ।
अर्को दृष्य हेरौं
अनिवार्य मास्कलगाउन सर्वसाधारणलाई निर्देशनदिएको भोलिपल्ट मंगलबार गृह मन्त्रालयमा आयोजित कार्यक्रममा गृह मन्त्री रामबहादुर थापा स्वयंले सही ढंगले मास्क नलगाएको देखियो । यी त प्रतिनिधि दृष्यमात्रै हुन् । यी सबै दृष्यले सरकार, सरकारका मन्त्री र सरोकारवाला मन्त्रालय मास्कको प्रयोग बारे गम्भिर छैनन भन्ने देखाउँछ ।
