२९ असार, एजेन्सी । पहिलो टेष्ट क्रिकेटमा वेष्ट इण्डिजले इंग्ल्यान्डलाई हराएको छ ।
कोरोना महामारीकैबीच इंग्ल्याण्डको साउथह्याम्पटनमा हिजो सकिएको टेष्ट म्याचमा पाहुना टोली वेष्ट इन्डिजले इंग्ल्यान्डलाई ४ विकेटले पराजित ग¥यो ।
जितसँगै तीन खेलको श्रृंखलामा वेष्ट इण्डिजले १–० को अग्रता बनाएको छ । पहिलो टेष्टको पाँचौ तथा अन्तिम दिन घरेलु टोली ३ सय १३ रनमा अलआउट भएपछि वेष्ट इण्डिजले २ सय रनको विजय लक्ष्य पाएको थियो ।
इंग्ल्यान्डबाट पाएको मध्यम लक्ष्य वेष्ट इन्डिजले ६ विकेट गुमाएर पूरा ग¥यो । उसका लागि जेमाइन ब्लाकवुडले ९५ रन बनाउँदा रोस्टन चेसले ३७ रनको योगदान दिए ।
इंग्ल्यान्डका जोफ्रा आर्चरले ३ तथा कप्तान बेन स्टोक्सले २ विकेट लिएपनि टोलीलाई जिताउन सकेनन् । इंग्ल्याण्ड र वेष्ट इण्डिजबीचको दोस्रो टेष्ट म्याच यही बिहिबारदेखि म्यान्चेस्टरमा हुनेछ ।
