५ साउन, एजेन्सी ।
स्पेनिस ला लिगा अन्तर्गत गएराति भएको खेलमा बार्सिलोनाले अलाभेसमाथि फराकिलो जित निकालेको छ।
मेन्डीजोर्रोजा स्टेडियममा भएको सिजनको आफ्नो अन्तिम खेलमा बार्सिलोनाले ५–० को सहज जित निकालेको हो। बार्सिलोनाको जितमा लियोनल मेस्सीले २ गोल गर्दा अन्शु फाती, लुइस स्वारेज र नेल्सन सेमेडोले समान १–१ गोल गरे।
२४ औं मिनेटमा फातीको गोलबाट अग्रता लिएको बार्सिलोनाका लागि ३४ औं मिनेटमा मेस्सी र ४४ औं मिनेटमा स्वारेजले गोल गर्दा पहिलो हाफमै बार्सिलोनाले तीन गोलको अग्रता बनाएको थियो। दोस्रो हाफमा मेस्सीले नै फेरि अर्को गोल थपे।
उनले खेलको ७५ औं मिनेटमा गोल गर्दा सेमेडोले पनि दोस्रो हाफमै अर्को गोल थपे।
