योगेन्द्र योगी
२२ साउन, दोहा । कोरोना महामारीका कारण समस्यामा परेका नेपाली श्रमिकहरुलाई कतारको सरकारी संस्था कतार च्यारिटीले दोस्रो चरणमा ९५ लाख बराबरको राहत दिएको छ ।
कतार सरकारको आन्तरिक मन्त्रालय र प्रतिष्ठित च्यारिटी संस्था कतार च्यारिटी मार्फत दोस्रो चरणको राहत प्याकेज प्राप्त भएको एनआरनए कतारले पत्रकार सम्मेलन गरि जानकारी दिएको थियो ।
अलमीरा कन्जुमर मार्फत खरीद तथा प्याकिंङ्ग गरिएको फुड किटको मूल्य एक प्याकेट बराबर करीव १३६ रियाल बराबरको रहेको र २२५० वटा कुल राहत प्याकेज प्राप्त भएको एनआरएनए कतारका प्रबक्ता सन्तोष क्षेत्रीले जानकारी बताए ।
प्रवक्ता क्षेत्रीका अनुसार प्राप्त भएको राहत कुपन आवश्यकता अनुसार कोरोनाबाट पिडित तथा खानको लागि समस्या भएको नेपाली श्रमिकलाई वितरण गरिने बताएका छन् ।
गैरआवासीय नेपाली संघ कतारको समन्वयमा कतारको गृह मन्त्रालयद्वारा कतार च्यारिटिमार्फत नेपाली दूतावासको समेत सहकार्यमा गैह्रआवासीय नेपाली संघ कतारद्वारा ५,९१७ थान राहत स्वरुप खाद्यसामग्री वितरण गरिसकिएको जनाएको छ ।
यसघि पनि कोरोनाको कारण समस्यामा परेका नेपाली श्रमिकहरुका लागि कतार च्यारिटीले डेढ करोड रुपैयाँ बराबरको खाधान्न दिएको थियो ।
