१६ असोज, एजेन्सी ।
ईन्डियन प्रिमियर लिग (आईपीएल)मा मुम्बई इन्डियन्सले किंग्स इलेभेन पन्जाबलाई ४८ रनले पराजित गर्दै अंक तालिकाको शीर्षस्थानमा उक्लिएको छ ।
बिहीबार राती शेख जायद आबूधाबीमा सम्पन्न आइपिएलको १३ औं खेलमा पन्जाबलाई पराजित गरेपछि दिल्ली क्यापिटल्सलाई नेट रनरेटले पछि पार्दै मुम्बई शीर्ष स्थानमा उक्लिएको हो ।
जितका लागि १ सय ९२ रनको विजयी लक्ष्य पछ्याएको पन्जाबले २० ओभरमा ८ विकेटको क्षतिमा १ सय ४३ रन मात्र बनाउन सक्यो ।
जस्प्रित बुमराहले चौथो ओभरको पाँचौ बलमा ओपनर मयंक अग्रवाललाई २५ रनमा बोल्ड आउट गरे । अग्रवालले १८ बलमा ३ चौका प्रहार गरे । छैटौं ओभरको चौथो बलमा करुण नायरलाई क्रुनाल पान्ड्याले शून्यमा बोल्ड आउट गरे । स्पिनर राहुल चहरको नवौं ओभरको पहिलो बलमा कप्तान लोकेश राहुल ९केएल० १७ रनमा बोल्ड आउट भएपछि पन्जाब दबाबमा परेको थियो । राहुलले १९ बलमा १ चौका प्रहार गरे ।
राम्रो ब्याटिङ गरि रहेका बायाँ हाते युवा ब्याट्सम्यान निकोलस पुरनलाई १४ औं ओभरको दोस्रो बलमा जेम्श प्याटिनसनले विकेटकिपर क्विन्टन डी ककबाट ४४ रनमा क्याच आउट गराए । पुरनले २७ बलमा ३ चौका र २ छक्का प्रहार गरे । १५ औं ओभरको पाँचौ बलमा ठूलो सट खेलेका ग्लेन म्याक्सवेल ११ रनमा ट्रेन्ट बोल्टबाट आउट भएपछि पन्जाब १०७–५ को कमजोर अवस्थामा पुगेको थियो । जेम्श निशम पनि ठूलो सट खेल्ने धुनमा ७ रनमा क्याच आउट भए । कृष्णा गौथम १३ बलमा २ चौका र १ छक्का सहित २२ रनमा अविजित रहे ।
राहुल चहरले ४ ओभरमा २६ रन खर्चेर २ विकेट लिए । क्रुनाल पान्ड्याले ४ ओभरमा २७ रन खर्चेर १ विकेट लिए । जस्प्रित बुमराहले ४ ओभरमा १८ रन खर्चेर २ विकेट लिए । जेम्श प्याटिनसनले ४ ओभरमा २८ रन खर्चेर २ विकेट लिए । टे«न्ट बोल्टले एक विकेट लिए ।
त्यसअघि टस हारेर ब्याटिङको निम्तो पाएको मुम्बईले निर्धारित २० ओभरमा ४ विकेटको क्षतिमा १ रन ९१ बनाएको थियो। काइरन पोलार्ड २० बलमा ३ चौका र ४ छक्का ४७ रनमा अविजित रहे । हार्दिक पान्ड्या ११ बलमा ३ चौका र २ छक्का सहित ३० रनमा अविजित रहे । पाँचौ विकेटका लागि पान्ड्या र पोलार्डले मात्र ३।५ ओभरमा ६७ रनको उत्कृष्ट अविजित साझेदारी गरेका थिए ।
मुम्बईका कप्तान रोहित शर्माले सर्वाधिक ७० रनको योगदान दिए । १७ औं ओभरको पहिलो बलमा ठूलो सट खेलेका रोहितलाई ग्लेन म्याक्सवेलको उत्कृष्ट फिल्डिङको सहयोगमा जेम्स निशमले क्याच लिएका थिए । रोहितले ठूलो सट खेलेपनि लङ अनमा रहेका म्याक्सवेलले बललाई समाउँदै निसमको हातबाट क्याच गराउँदै बाउन्ड्री बाहिर गरेका थिए । रोहितले ४५ बलमा ८ चौका र ३ छक्का प्रहार गरे ।
त्यसअघि शामीको दोस्रो ओभरको अन्तिम बलमा एम्पायरले रोहितलाई एलबिडब्लू आउट दिएका थिए । तर रोहितले रिभ्यु लिदै अम्पायरको निर्णयलाई गलत सावित गरेका थिए । योसँगै रोहितले आइपिएलमा ब्यक्तिगत पाँच हजार पनि रन पूरा गरेका छन् । विराट कोहली र सुरेश रैनापछि आइपिएलमा पाँच हजार रन पूरा गर्ने रोहित तेस्रो खेलाडी हुन् ।
ओपनर क्विन्टन डी ककलाई पहिलो ओभरको पाँचौ बलमा शेल्डन कटरेलले शून्यमा बोल्ड आउट गरेका थिए । चौथो ओभरको पाँचौ बलमा सूर्यकुमार यादव १० रनमा रन आउट भएका थिए । शामीले उत्कृष्ट डाइरेक्ट स्टम्प ताकेपछि यादव पेभलिएन फर्किनु परेको थियो । तेस्रो विकेटका लागि इशान किशन र रोहित शर्माले ६२ रनको साझेदारी गर्दै इनिङ अगाडि बढाए ।
किशनलाई १४ औं ओभरको पहिलो बलमा कृष्णाप्पा गौथमले करुण नायरबाट २८ रनमा क्याच आउट गराए । किशनले ३२ बलमा १ चौका र १ छक्का प्रहार गरे ।
शेल्डन कटरेलले ४ ओभरमा एक मेडन सहित २० रन खर्चेर १ विकेट लिए । मोहम्मद शामीले ४ ओभरमा ३६ रन खर्चेर १ विकेट लिए । कृष्णाप्पा गौथमले ४ ओभरमा ४५ रन खर्चेर १ विकेट लिए ।
मुम्बई ४ खेलमा समान २ मा जित र हार सहित शीर्ष स्थानमा उक्लिएको छ । दिल्ली क्यापिटल्स ३ खेलमा २ मा जित र १ मा हार सहित दोस्रो स्थानमा छ । कोलकता नाइट राइडर्स, राजस्थान रोयल्स र रोयल च्यालेन्जर्स बेंगलोर समान ३ खेलमा २ मा जित र १ मा हार सहित नेट रन रेटको आधारमा क्रमश स् तेस्रो, चोथो र पाँचौ स्थानमा छन् ।
पाँचौ खेलमा पन्जाबले आइतबार चेन्नई सुपर किंग्ससँग दुबईमा खेल्ने छ भने मुम्बईले सनराइजर्स हैदराबादसँग शारजाहमा शनिवार खेल्ने छ ।
