१८ असोज,विराटनगर ।
मोरङको बुढीगंगामा मोटरसाईकलको ठक्करबाट सशस्त्र प्रहरीका प्रहरी सहायक निरीक्षकको मृत्यु भएको छ । बुढीगंगा–१ का ४२ बर्षीय कमलप्रसाद तावाहाङको मोटरसाईकलको ठक्करबाट मृत्यु भएको हो ।
शनिबार राती सवाँ ९ बजे बुढीगंगा १ राजमार्ग क्षेत्रमा पैदल हिडिरहेका तावाहाङलाई लु ६१ प २५०२ नम्बरको मोटरसाईकलले ठक्कर दिँदा उनी गम्भिर घाईते भएका थिए । घाईते तावाहाङको बिराट मेडिकल कलेज टिचिङ अस्पताल गंगा चोकमा उपचारको क्रममा आइतबार विहान मृत्यु भएको जिल्ला प्रहरी कार्यालय मोरङले जनाएको छ ।
मृतक तावाहाङ सशस्त्र प्रहरी सहायक निरीक्षक रहेको खुल्न आएको छ । उनी सशस्त्र प्रहरी बल पाँचथरमा कार्यरत रहेको र हाल विदामा घर आएको थिए । यता ठक्कर दिने मोटरसाईकल नियन्त्रणमा लिईएको छ भने चालक तत्काल फरार रहेकोले उनको खोजी भईरहेको प्रहरीले जनाएको छ ।
