२७ असाेज, काठमाडाैँ ।
नेपालमा आज १ हजार ५ सय ३ कोरोना भाइरस (कोभिड—१९) संक्रमित डिस्चार्ज भएर घर फर्किएका छन् । याे सँगै आजसम्म देशभरी ७८ हजार ७ सय ८० संक्रमित डिस्र्चाज भएका छन् ।
आजसम्म प्रदेश नम्बर १ मा ६ हजार ८ सय ३४, प्रदेश नम्बर २ मा १५ हजार १ सय ११, बागमती प्रदेशमा ३० हजार ४ सय २९ र गण्डकी प्रदेशमा ४ हजार २ सय ९० जना डिस्चार्ज भएका छन् ।
यस्तै लुम्बिनी प्रदेशमा १० हजार ९ सय ७९, कर्णाली प्रदेशमा ३ हजार ४ सय ९८ र सुदूरपश्चिम प्रदेशमा ७ हजार ६ सय ३९ डिस्चार्ज भएका छन् ।
आज थप ३ हजार ५ सय ५६ जनामा कोरोना संक्रमण देखिएको छ । आज काठमाडौंमा १ हजार ७ सय ४६, भक्तपुरमा १ सय ६७ र ललितपुरमा २ सय १६ गरी उपत्यकाभित्र २ हजार १ सय २९ जनामा संक्रमण देखिएको मन्त्रालयका प्रवक्ता डा. जागेश्वर गौतमलेब बताए । यस्तै नेपालमा कोरोना भाइरस संक्रमणबाट आज थप १८ जनाको मृत्यु भएको छ । यो सँगै मृतकको संख्या ६ सय ६३ पुगेको छ ।
आज देशभरी सक्रिय संक्रमितको संख्या ३५ हजार ९ सय १५ रहेको छ । संस्थागत आइसोलेसनमा १५ हजार ४८ जना रहेका छन् । यस्तै होम आइसोलेसनमा २० हजार ८ सय ६७ जना रहेका छन् ।
