२९ असाेज, काठमाडौं।
पूर्व प्रधानमन्त्री एवम् नेपाल कम्युनिष्ट पार्टी (नेकपा) का वरिष्ठ नेता झलनाथ खनाल अस्पताल बुधबार भर्ना भएका छन् । एक्कासी रक्तचाप बढेपछि उनलाई बुधबार साँझ धुम्बराहीस्थित ह्याम्स अस्पतालमा भर्ना गरिएको नेकपा केन्द्रीय सदस्य विष्णु रिजालले जानकारी दिए।
खनाललाई साँझ ४ बजे अस्पताल भर्ना गरिएको उनकाे सचिवालयले जनाएकाे छ । उनको स्वास्थ्य अवस्था सामान्य रहेकाे र सम्भवतः विहिबार नै अस्पतालबाट डिस्चार्ज हुने जनाइएकाे छ ।
