२ कात्तिक, विराटनगर ।
अबैध रुपमा भन्सार छलि ल्याइएको ६ लाख बढी मूल्यका सामानहरु प्रहरीले सुनसरी–मोरङको विभिन्न स्थानबाट बरामद गरेको छ । तस्करहरुले अबैध रुपमा लुकाई छिपाई ल्याएका लत्ता कपडा तथा खाद्यान्य सामानहरु प्रहरीले बरामद गरेको हो ।
भारतबाट अबैध रुपमा रानीको सिमाक्षेत्रबाट लुकाई छिपाई ल्याउदै गरेको करिव ४ लाख ८ हजार मूल्य बराबरको लत्ता कपडा तथा खाद्यान्य सामानहरु बरामद गरिएको १ नम्बर प्रदेश प्रहरी कार्यालय विराटनगरले जनाएको छ ।
यसैगरी इनरुवा–दुहवी सडकखण्डबाट २ लाख मूल्य बराबरको लत्ता कपडाहरु बरामद गरिएको प्रदेश प्रहरी कार्यालयले जनाएको छ ।
विशेष सुराकीका आधारमा गस्तीमा खटिएको प्रहरी टोलीले आज विहान ६ लाख ८ हजार मूल्य बराबरको लत्ता कपडा तथा खाद्यान्न सामानहरु बरामद गरेको हो । साथै सामान ल्याउन प्रयोग गरिएको दुई वटा टेम्पो समेत नियन्त्रणमा लिईएको छ ।
