५ कार्तिक, म्याग्दी ।
म्याग्दीमा थप एकजना कोरोना सङ्क्रमितको मृत्यु भएको छ ।
पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पतालअन्तर्गत कोभिड–१९ उपचार केन्द्रको सघन उपचार कक्ष (आईसीयू) मा उपचाररत धौलागिरि गाउँपालिका ७ का ८५ वर्षीय पुरुषको मङ्गलबार राति ८ः२५ बजे मृत्यु भएको हो ।
गत असोज २९ गते कोरोना सङ्क्रमण भएपछि केन्द्रको आईसीयूमा भर्ना भएर उपचार गराइरहेका उनको दुवै फोक्सोमा निमोनियाँ तथा मिर्गौलाको समस्यासमेत देखिएको अस्पतालले जनाएको छ ।
योसँगै गण्डकी प्रदेशमा कोरोना सङ्क्रमणबाट मृत्यु हुनेको सङ्ख्या ५७ पुगेको छ ।
