१७ मंसिर, कपिलवस्तु । कपिलवस्तु जिल्लाको कृष्णनगर नगरपालिका वडा नं. ४ शिर्शिहवा गाउँको बगैँचामा बेवारिसे अवस्थामा शव भेटिएको छ ।
अन्दाजी २२ वर्षिय महिलाको शव फेला परेको हो ।रुखको फेदमा बाँया खुट्टामा सलले बाँधी घुमाएर घाँटीमा बाँधेको अवस्थामा फेला परेको इलाका प्रहरी कार्यालय कृष्णनगरका प्रहरी निरिक्षक सुकदेव पौडेलले जानकारी दिए ।
मंगलवार साँझ ६ बजेतिर शव भेटिएको र हालसम्म मृतकको पहिचान नखुलेको उनले बताए । शव पोष्टमार्टमका लागि प्रादेशिक अस्पताल लुम्बिनीमा पठाईएको छ ।
घटनाको थप अनुसन्धान भइरहेको प्रहरीले जानकारी दिइएको छ । महिला हिंसा विरुद्धको १६ दिने अभियान चलिरहेको बेला कृष्णनगरमा फेरि जघन्य घटना घटेको छ ।
