६ माघ, बिराटनगर ।
१ नम्बर प्रदेश प्रहरी श्रीमती संघले गरिव तथा विपन्न ब्यक्तिहरुलाई जाडोका लागि कम्बल लगायतका कपडा बितरण गरेको छ। प्रदेश प्रहरी श्रीमती संघले गरिव तथा विपन्न ब्यक्तिहरुको लागि जाडोको न्यानो कपडा कम्बल बितरण गरेको हो ।
मोरङको धनपालथान गाउँपालिका ३ बेतौनाका ५० घर परिवारलाई ५० थान तथा रङगेली नगरपालिका २ बेतौनाझोडाका ५० घर परिवारलाई ५० थान गरी सय घर परिवारलाई सय थान कम्बल मंगलबार वितरण गरेको हो । १ नम्बर प्रदेश प्रहरी श्रीमती संघकी अध्यक्ष श्रीजना थापा कार्कीले जाडोको न्यानो कपडा कम्बलसहित सय जना महिला तथा पुरुषहरुलाई कुर्ता सुरुवाल, सर्ट पाईन्ट लगायतका अन्य लत्ता कपडा समेत बितरण गरेकी हुन् ।
कपडा बितरण कार्यक्रममा कार्कीले प्रदेश प्रहरी श्रीमती संघले विविध सामाजिक कार्यहरु गर्दे आईरहेको सन्दर्भमा यस्ता कार्यहरुमा अझ क्रियाशिल भई अगाडी बढ्ने बताएकी छन् ।
