२० चैत, काठमाडौँ । ‘वातावरण मन्त्रालय हराएको सूचना’ भन्दै सिंहदरबार अगाडि प्रदर्शन गर्नेहरूलाई प्रहरीले नियन्त्रणमा लिएको छ ।
शुक्रबार दिउँसो सिंहदरबार अगाडि निषेधित क्षेत्रमा प्रदर्शन गरेको भन्दै केही प्रदर्शनकारीहरूलाई प्रहरीले नियन्त्रणमा लिएको हो ।
देशमा डढेलो र वायु प्रदर्शनले जनस्वास्थ्य संकटमा परेको तर सरकार अझै पनि मौन रहेको भन्दै उनीहरूले विरोध प्रदर्शन गरेका थिए ।
उनीहरूले जलवायु संकट वा जनस्वास्थ्य संकट घोषणा गर्नुपर्ने माग राखेका थिए। प्रदर्शन गर्न निस्किएकाहरूलाई प्रहरीले महेन्द्र पुलिस क्लबमा राखेको छ।
