४ वैशाख, काठमाण्डौ । कोभिड १९ संकट व्यवस्थापन केन्द्र (सीसीएमसी)को बैठक आज बस्ने भएको छ ।
दिउँसो २ बजे प्रधानमन्त्रीको कार्यालय सिंहदरबारमा बस्ने बैठकमा बढ्दो कोरोनाको सङ्क्रमण जोखिम र जोखिम कम गर्ने विषयमा छलफल हुने बताइएको छ । यसअघि स्वास्थ्य मन्त्रालयले १४ जिल्लालाई संवेदनशील घोषणा गर्दै ती क्षेत्रका विद्यालय र भीडभाड हुने ठाउँमा नजान अपिल गरेको थियो । तर शिक्षा विज्ञान तथा प्रविधि मन्त्रालयले स्कुल तत्काल बन्द नगर्न र सङ्क्रमणको अवस्था अनुसार निर्णय लिन स्थानीय पालिकालाई जिम्मेवारी दिएको छ ।
